У Празе ўрачыста адкрылі памятны знак Францыску Скарыну

24 марта 2024 в 1711303740
Радыё Свабода

Напярэдадні Дня Волі і падчас Канферэнцыі беларусаў свету ў Празе ўрачыста адкрылі памятны знак Францыску Скарыну, піша «Радыё Свабода».

Адкрыццё памятнага знака Францыску Скарыну. Фота: «Радыё Свабода»

Менавіта ў Празе ў 1517 годзе Францыск Скарына выдаў першую друкаваную кнігу на старабеларускай мове.

Памятны знак усталявалі на Старамесцкай плошчы ў самым цэнтры чэшскай сталіцы. Яго ўсталявалі ў бруку тратуара. Ён зроблены з бронзы і важыць каля 10 кіляграмаў. На знаку лацінскі надпіс «Domvs Severini. Institoris» («Дом купца Севярына») і прамяністае Сонца з прытуленым маладзіком.

У цырымоніі адкрыцьця прыняла ўдзел дэмакратычная лідэрка Беларусі Святлана Ціханоўская, прадстаўнікі беларускай дыяспары.

Адкрыццё памятнага знака Францыску Скарыну. Фота: «Радыё Свабода»
Адкрыццё памятнага знака Францыску Скарыну. Фота: «Радыё Свабода»
Адкрыццё памятнага знака Францыску Скарыну. Фота: «Радыё Свабода»
Адкрыццё памятнага знака Францыску Скарыну. Фота: «Радыё Свабода»
Адкрыццё памятнага знака Францыску Скарыну. Фота: «Радыё Свабода»

Менавіта на Старамесцкай плошчы, паводле некаторых даследчыкаў, месцілася друкарня, якую арандаваў Скарына. Яна была заснавана пры падтрымцы віленскіх мецэнатаў Якуба Бабіча і Багдана Онькава. У друкарні з 1517 па 1519 гады Скарына выдаў не менш за 23 кнігі Старога Запавету.