У Варшаве 27 красавіка пакажуць монаспектакль Зоі Белахвосцік «Moj Hleb». У ім народная артыстка Беларусі, якая сышла з Купалаўскага тэатра ў 2020 годзе, адкрыта раскажа пра лёс пяці пакаленняў тэатральнай дынастыі, пра родны калектыў і пра тое, як падзеі ў Беларусі адбіваюцца на лёсах людзей.
Купалаўскаму тэатру служылі чатыры пакаленні гэтай дынастыі: дзядуля Зоі, Глеб Глебаў, яе бацька, Валянцін Белахвосцік, сама акторка, яе муж, актор, а потым рэжысёр Аляксандр Гарцуеў, а таксама іх дачка Валянціна Гарцуева.
У 2020-м маці і дачка сышлі з Купалаўскага, пратэстуючы супраць гвалту пасля прэзідэнцкіх выбараў. Неўзабаве са сталічнага РТБД звольнілі Аляксандра Гарцуева.
У сваім монаспектаклі Зоя Белахвосцік раскажа пра гэтую дынастыю, пра эвакуацыю Купалаўскага тэатра з Беларусі ў гады Другой сусветнай вайны, пра актора Саламона Міхоэлса, які прыязджаў у Мінск, меў зносіны з яе дзедам і быў забіты на загад Іосіфа Сталіна, і многае іншае.
Спектакль пройдзе 27 красавіка ў Варшаве на сцэне Przodownik Teatru Dramatycznego (Olesińska 21) і пачнецца, а 19-й гадзіне. Білеты можна купіць па гэтай спасылцы.