Поддержать команду Зеркала
Белорусы на войне
  1. В Латвии скандал из-за ограждения на границе с Беларусью. Несколько чиновников пойдут под суд — в чем их обвиняют
  2. В Беларуси пересмотрели «завышенные» требования к годности призывников. Теперь десантником можно стать при весе до 100 кг
  3. Большой госдолг, рост расходов на национальную оборону и инфляция выше прогнозируемой. Изучили бюджет на 2023 год
  4. Мобилизованные россияне все чаще отказываются воевать, РФ занимается реструктуризацией армии. Главное из сводок
  5. СМИ Зимбабве выдвинули версию, зачем Лукашенко приезжал в их страну
  6. Выпускник БГУИР выиграл более 3 млн долларов на престижном турнире по покеру
  7. Чешский был на грани исчезновения, иврит — фактически мертв. Рассказываем, как погибали языки разных народов и как их спасали
  8. «Наша Ніва»: Телеграм-канал силовиков, где публикуют «покаянные» видео задержанных, случайно выдал своих админов


Незалежная тэатральная група «Купалаўцы» на гэтым тыдні прадставіць у Беластоку прэм’еру свайго новага паэтычнага спектакля «37−22», яна адбудзецца 29 кастрычніка, паведамілі «Зеркалу» прадстаўнікі калектыва.

Фрагмент афішы спектакля "37-22". Выява: "Купалаўцы"
Фрагмент афішы спектакля «37−22». Выява: «Купалаўцы»

Галоўная ідэя твора — дыялог паміж дзвюма перыядамі рэпрэсій, трыццатымі гадамі ХХ стагоддзя і сучаснасцю, што і вынесена ў назву.

«Новы праект Купалаўцаў спрабуе супаставіць далікатную музыку тэкстаў таго часу і яе водгулле ў цяперашнім дні, сатканае з нашага жадання памятаць. У трыццатыя беларускую літаратуру хацелі знішчыць, але пакаленні даследчыкаў, паэтаў і чытачоў ратавалі яе імёны ад забыцця, разбуралі маўчанне. І вось мы на хісткай глебе 2022 года. На галасы Уладзіміра Жылкі, Уладзіміра Дубоўкі, Васіля Шашалевіча адкукаюцца творы сучасных аўтараў. Што будзе з намі цяпер? Адказы на гэтае і іншыя пытанні мы прапануем пашукаць разам», — паведамляецца ў прэс-рэлізе тэатральнай групы.

У спектаклі граюць Зоя Белахвосцік, Валянціна Гарцуева, Алег Гарбуз, Алена Зуй-Вайцяхоўская, Міхась Зуй, Сяргей Чуб. Аўтарам музыкі стаў Эрык Арлоў. Паставіў спектакль Андрэй Саўчанка — беларускі кіна- і тэатральны рэжысёр, перформер, выкладчык, сцэнарыст, галоўны рэжысёр TEATRKOMPANIA і стваральнік праекта «Тутэйшы тэатр».

Прэм’ера спектакля адбудзецца ў суботу, 29 кастрычніка, а 19.30 у Беластоцкім Тэатры Лялек. Паглядзець яе можна будзе і онлайн у прамой трансляцыі, якая распачнецца на Youtube-канале «Купалаўцаў» у той жа дзень, а 20.30 паводле беларускага часу.

Паказ «37−22» адбудзецца ў рамках фестывалю беларускай бардаўскай ды аўтарскай песні «Бардаўская восень», які амаль 30 гадоў ладзіўся на Падляшшы і сёлета будзе адноўлены пасля двухгадовага перапынку. Яго арганізуе беластоцкі беларускі фонд «Фундацыя Tutaka». Фестываль пройдзе 28−30 кастрычніка на трох пляцоўках у Беластоку, Бельску Падляскім і Гарадку.

«Купалаўцы» на фестываль прывязуць не толькі спектакль, але і ўласна музыку. Удзельнікі калектыву прадставяць аўтарскі музычны праект «Я гавару», таксама натхнёны беларускай паэзіяй. Прагучаць кампазіцыі на вершы сучасных паэтаў: Віталя Рыжкова, Ярыны Дашынай, Вальжыны Морт, Веры Бурлак, Дар'і Бялькевіч. Аўтары і выканаўцы музыкі — чальцы «Купалаўцаў» Міхась Зуй, Андрэй Дробыш, Зміцер Есяневіч і Аляксандр Зелянко.

Міхась Зуй і Зміцер Есяневіч у праекте "Я гавару". Фота: "Купалаўцы"
Міхась Зуй і Зміцер Есяневіч у праекте «Я гавару». Фота: «Купалаўцы»

Паказ «Я гавару» адбудзецца 28 кастрычніка, а 18:00 ў Бельскім Доме Культуры.