Поддержать команду Зеркала
Беларусы на войне
  1. Мобильные операторы вводят очередные изменения. Среди прочего они пригрозили «спящим» клиентам
  2. Тихановский ответил на критику его обращения с упреками беларусов в пассивности. Вот его позиция
  3. «У каждого политика свое время». Интервью с ветераном беларусской оппозиции — о старении, Тихановской и ответственности Позняка
  4. Сегодня день рождения одного из самых знаменитых выходцев из Беларуси. Его картины продают за миллионы долларов — узнаете их?
  5. В Беларуси продолжает набирать обороты кадровый «голод». Такого дефицита работников в стране еще не было
  6. Что будет с курсом доллара в ближайшие месяцы — прогноз эксперта
  7. Их могилы «светятся» до сих пор. Рассказываем жуткую историю «призрачных девушек», для которых работа мечты стала смертельным кошмаром
  8. Призыв Лукашенко молиться на власть — это не оговорка и не шутка, а опасный сигнал. Мнение
  9. Коснется и частного сектора. В Беларуси хотят законодательно ввести всеобщую однодневную повинность для приучения к «порядку»
  10. Беларусы получат потяжелевшие жировки за июнь. На сколько вырастут платежи
  11. Есть «ловушка», в которую могут попасть некоторые водители. Рассказываем подробности
  12. Путин боится роста недовольства в стране из-за еще одной мобилизации, но армии РФ для войны нужны люди — вот как он решил действовать
  13. Тихановский рассказал, хотел бы он пообщаться с новыми хозяевами его минской квартиры — ее продали с аукциона два года назад


Рада Беларускай Народнай Рэспублікі, якая існуе ў выгнанні, 25 сакавіка, у Дзень Волі, абвясціла пра ўзнагароджанне пятнаццаці беларусаў медалём Ордэна Пагоні. Пяцёра з іх атрымалі ўзнагароду пасмяротна.

Медаль Ордэну Пагоні. Фота: Рада БНР
Медаль Ордэна Пагоні. Фота: Рада БНР

Ганараваныя медалём дзесяць палітвязняў:

  • журналістка Кацярына Андрэева (Бахвалава),
  • прадпрымальнік, палітык Мікалай Аўтуховіч,
  • актывіст Уладзімір Гундар,
  • журналіст Дзяніс Івашын,
  • праваабаронца Уладзімір Лабковіч,
  • блогер Ігар Лосік,
  • яго жонка Дар’я Лосік,
  • блогер Эдуард Пальчыс,
  • праваабаронца Валянцін Стэфановіч,
  • журналістка Дар’я Чульцова (яна ўжо адбыла пакаранне і знаходзіцца на волі),
  • актывістка Паліна Шарэнда-Панасюк.

Пасмяротна ўзнагароджаныя чацвёра байцоў палка імя Кастуся Каліноўскага, якія загінулі на фронце ва Украіне:

  • Аляксей Аўдзеенка,
  • Эдуард Лобаў,
  • Алег Панамароў,
  • Міхась Шавельскі.

Таксама пасмяротна ганараваны медалём мінчук Андрэй Зельцар, які загінуў 29 верасня 2021 года ў перастрэлцы, аказаўшы збройны супраціў супрацоўнікам КДБ, якія ўварваліся ў яго кватэру для затрымання.

«Сёння мы ўжо ў другі раз абвяшчаем пра ўручэнне Медаля Ордэна Пагоні, асноўнай узнагароды Беларускай Народнай Рэспублікі ў выгнанні. Мы зноў хочам адзначыць тых беларусаў, хто ў цяперашні складаны час плаціць найвышэйшую цану за свабоду і незалежнасць нашае Бацькаўшчыны, — заявіла старшыня Рады БНР Івонка Сурвіла. — Перадусім гэта героі, якія ахвяравалі сваё жыццё ў збройнай барацьбе супраць ворагаў свабоды і незалежнасці Беларусі. Іхнія імёны ўвойдуць у гісторыю нашага народа, і ўсе мы павінны працягнуць іхнюю барацьбу.

Таксама гэтым разам Рада БНР адзначае і некалькіх нашых суродзічаў, хто паказаў і працягвае паказваць сваю непахіснасць перад чужынскім дыктатарскім рэжымам, сваю чалавечую і грамадзянскую годнасць у турме. Амаль усе гэтыя людзі дагэтуль незаконна ўтрымліваюцца ў палоне за сваю актыўную грамадскую або журналісцкую дзейнасць. Мы як найхутчэй чакаем іх на свабодзе і патрабуем неадкладнага вызвалення іх і ўсіх беларускіх палітычных вязняў, каго налічваецца больш як паўтары тысячы».

Медаль Ордэна Пагоні быў заснаваны Радай БНР у 2022 годзе для адзначэння грамадзянскіх, ваенных, культурніцкіх і іншых заслуг перад Беларуссю. Першае ўзнагароджанне адбылося з нагоды Дня Слуцкага збройнага чыну ў лістападзе 2022 года.

Івонка Сурвіла таксама павіншавала беларусаў з Днём Волі:

«Мы маем ледзь не стагоддзе дасведчання ўжо не як „тутэйшыя“ рабы імперыі зла, а як адукаваны, разумны, развіты народ, які здольны даць сабе рады ў вольным свеце. Ад нас залежыць наша будучыня — ад кожнага й кожнай з нас!

Хацела б, каб кожны з нас задумаўся, што асабіста ён ці яна можа зрабіць, каб прыцягнуць увагу вольнага свету на Беларусь. У цяперашні час гэта надзвычай важна, з улікам таго, якую ганьбу наклікаў на Беларусь дыктатар Лукашэнка сваім саўдзелам у расійскай агрэсіі супраць Украіны. Пакуль свет захапляецца адвагай украінцаў і абураецца злачынствамі Пуціна і расійскай арміі, беларусы павінны як наймацней словам і справай дэманстраваць свету, што яны на баку сіл дабра і што Лукашэнка не прадстаўляе наш народ. Не дай Бог, каб нехта прыдумаў аддаць Беларусь крываваму тырану ўзамен за мір ва Украіне.

Цяперашні час — шмат у чым лёсавызначальны як для Украіны, так і для ўсяго свету і для Беларусі. Але разам мы не дамо ворагу разбіць нашую еднасць. Разам мы перанясём усе выпрабаванні і асягнём нашую мэту: жыць на сваёй роднай зямлі, у сваёй і незалежнай дзяржаве», — сказала старшыня Рады БНР.